O 11 de febreiro de 2012 cúmprese un ano da presentación da nosa asociación Un Rato No Tubo. Un ano no que, con moito entusiasmo, ganas e dedicación, tentamos empezar a cumprir parte dos obxectivos que nos propuxemos, que se resumen en achegar aos nosos asociados e público en xeral o órgano, o seu mundo e a súa música dun xeito ameno, didáctico e interdisciplinar poñendo en valor o patrimonio organístico ourensán.

A nosa web é unha mostra viva das actividades desenvolvidas. Nesta presentación, realizada por Irma Fernández e que foi a memoria anual presentada na asemblea xeral anual de socios celebrada no mes de decembro de 2011, resumimos este traballo.

XXII Ciclo de Órgano e Música Antiga de Xunqueira de Ambía

Domingo 14, 21 e 28 Agosto de 2011

Colexiata Santa María A Real

Xunqueira de Ambía. Ourense

Hora: 20.00h.

Entrada libre

Organiza e patrocina: Concello Xunqueira de Ambía

Domingo 14 de Agosto

Javier Simó e Marisol Mendive

Trompeta e Órgano

En programa obras de G.H.Stölzel, G.F.Haendel, H.Purcel y P.Bruna

Domingo 21 de Agosto

Ars Anterga: Ilduara Perianes-Juan Manuel Vázquez e Irma Fernández

Voz, Vihuela e Órgano

Cantigas de Amigo e Cantigas de Alfonso X O Sabio

Domingo 28 de Agosto

Grupo de Música Antiga 1500

Música Renacentista para Voz, Organeto, Corda e percusión antiga.

Programa: Os trovadores: a súa música e influenzas.

Temos catro testemuñas gráficas do Concerto-presentación da Asociación “Un rato no tubo” que se desenvolveu o pasado xoves 10 de febreiro.

A Asociación de Amigos do Órgano de Ourense “Un rato no tubo” quere agradecer a todo o público asistente a súa participación no acto de presentación e o seu interese amosado durante o mesmo. Tamén agradece as manifestacións de apoio que recibiu de numerosas persoas por diferentes medios.

Aspecto xeral do público esperando o remate do acto relixioso, antes de comezar o concerto.

Momento no que a presidenta, Marisol Mendive, realiza a presentación da Asociación.

Vista do público no templo.

Momento do concerto de órgano.

A presentación da Asociación aparece na web cultura.org na que que se informa da creación da mesma e publícase unha entrevista sonora á Presidenta Marisol Mendive.