Novas

A Asociación cultural de Amigos do Órgano Un rato no tubo, quíxose unir ás actividades con motivo do 60º aniversario do Conservatorio profesional de música de Ourense, colaborando de forma activa e ilusionada no concerto do Quinteto de metais e órgano, ao que estades todos convidados.

Luns 6 de marzo ás 20.15h, na Igrexa de Santa Eufemia de Ourense.

Grazas aos meus compañeiros do departamento de vento-metal do Conservatorio polo seu traballo e profesionalidade.

Grazas ao Conservatorio de música de Ourense , á Asociación Un rato no tubo, á igrexa de Santa Eufemia, e a D. Manuel Mera, o seu párroco.

Será precioso.

¡Esperámovos!

60º Aniversario do Conservatorio Profesional de Música de Ourense.
¡Noraboa!
Concerto inaugural, este próximo xoves ás 20.00h no Auditorio do Conservatorio

Celebrarase en Santiago entre os días 16 e 19 de marzo. Información aquí

O día 4 de decembro, dentro da programación das IV Xornadas de Órgano, asistiremos a un concerto da organista Mónica Melkova, na igrexa de Santa Eufemia. Aquí tedes a biografía da organista:

Tamén, á vosa disposición, o programa que interpretará:

Xa temos o cartel definitivo das IV Xornadas de Órgano.

Semana do 14 ao 22 de febreiro do 2014.

Varios espazos. Entrada libre

“O Conservatorio Profesional de Santiago quere poñer en valor un instrumento marabilloso, que forma parte do valioso patrimonio galego, e especialmente da cidade de Santiago de Compostela.

Nestas xornadas queremos amosar o órgano desde distintas perspectivas: non so o escoitaremos, senón que realizaremos unha viaxe ao seu interior. As xornadas comezan cun Concerto Didáctico presentado por Marisol Mendive na Capella da Universidade, Concerto de Música Acordada e órgano solista, continúa con visitas guiadas aos órganos da Igrexa das Ánimas, Capella da Universidade e Catedral, conferencias por sobre o órgano por Miguel A. López e Fernando Buide e remata cun Concerto para órgano solo por alumnado do Conservatorio de Ourense. Todo elo compleméntase cunha Exposición fotográfica de órganos no CMUS de Santiago.

Colaboran: Vicerreitoria de Estudantes, Cultura e Formación contínua, Catedral de Santiago, Consorcio de Santiago, CMUS de Ourense, Asociación Cultural de Amigos do Órgano de Ourense Un rato no tubo, Marisol Mendive, Música Acordada, Coro de Amigos do CMUS, Coro de voces brancas do centro e EDLG.”

Faleceu unha grande organista: Marie Claire Alain. Despois de gravar varias veces a integral da obra de Bach para órgano, e un repertorio enorme, o Alzheimer levouna. No ceo terana recibido con música de Bach. Gran muller e artista, sentimos a súa perda e agradecemos o seu legado organistico a través das súas numerosas gravacións en grandes órganos históricos europeos.

Desde aquí a nosa pequena homenaxe.

Informamos aos nosos asociados/as que o vindeiro 20 de novembro, ás 19:30 h, na aula de órgano do CMUS de Ourense terá lugar o acto de nomeamento da mesma como Aula Antonio Jaunsarás, organista da Catedral de Ourense desde 1919 ata 1957 e fundador da Coral de Ruada.

Con este propósito o CMUS, dentro da Semana Santa Icía 2012, organiza un acto coa participación de D. Ramón Estévez, Prefecto de Música da Catedral de Ourense, a Coral de Ruada, dirixida por Xoán Antón Vázquez Casas e a organista e profesora de órgano Soledad Mendive. A entrada a este acto é libre ata completar aforo.

Programa

19.30h

Conferencia a cargo de D. José Ramón Estévez. Prefecto de Música da Catedral de Ourense.

“Breve semblanza de D. Antonio Jaunsarás”

20.00h

Actuación da Coral de Ruada. Director: X.A. Vázquez Casas.

Programa

Soledad Mendive. Órgano

20.30h.

Colocación da placa co nome da Antonio Jaunsarás.