Concierto de clausura: selección de titulados de Órgano do Conservatorio Profesional de Música de Ourense. Galicia.
Alejandra Escolante Mujico, Irma Fernández Alonso, María José Mosquera Seoane, Julia Ammerman Yebra e Adrián Regueiro García.
Estrea absoluta da obra: Luminiscencia, composta por Juan Manuel Vázquez e interpretada por Irma Fernández.
Domingo 8 de setembro. 20.00h
Entrada libre
Veñen de seren editados os cartaces do XXX Ciclo de Órgano e Música Antiga de Xunqueira de Ambía que se celebrarán entre os días 18 de agosto e 8 de setembro.
Tamén se organiza unha exposición de pintura, escultura, grabados e fotos titulada “Órgano, música e natureza”.
David Maceira, alumno de órgano do CMUS de Ourense, dará o concerto de fin de grao o vindeiro sábado 13 de xuño, ás 20:30, na Concatedral de Vigo.
Nesta ligazón poden descargar o programa do concerto e o currículo do xoven organista.
O día 22 de xuño de 2019 terá lugar un concerto de órgano na catedral de Tui para celebrar o 60 aniversario de Manos Unidas no que participará o alumnado de órgano do Conservatorio de Ourense.
Como vén sendo habitual, no mes de xuño organizamos unha viaxe cultural para coñecer o patrimonio organístico da nosa terra. A excursión ofrećese aos socios/as, con descontos varios, e a público interesado.
Este ano, a viaxe desenvolverase o sábado 8 de xuño e os destinos serán Samos e Pedrafita do Cebreiro.
Saída: 9:30 h desde o Conservatorio Profesional de Música de Ourense.
11:30 h: visita guiada ao Mosteiro de Samos, claustro, pintura e órgano. Prezo da visita: 5 € . Socios/as: de balde.
14:30 h: comida no restaurante A Veiga (menú de 13 €, as escoller entre cinco primeiros e cinco segundos, sobremesa, café e bebida incluidos).
Pola tarde: visita a Pedrafita do Cebreiro e ao Órgano da Igrexa de Sta. María A Real (construido por Acitores).
18:00-18:30: saída para Ourense
20:00 – 20:30 h : chegada prevista a Ourense.
Para o desprazamento habería a posibilidade de contar cun autocar se somos un número mínimo de 19 persoas (18 € por persoa) ata 25 persoas (14 € por persoa). En caso de non xuntarnos o número requirido, o desprazamento sería en coche particular.
As persoas interesadas deben poñerse en contacto coa Asociación antes do venres 31 de maio, indicando se se prefire ou non a viaxe en autocar.
Nesta galería fotográfica, realizada por Ana Nieto, pódense apreciar momentos das actuacións das intérpretes durante o concerto Olladas femininas, organizado pola Asociación de Amigos do Órgano Un Rato No Tubo de Ourense.
A igrexa da Nosa Señora de Fátima é un templo inaugurado o 13 de maio de 1963 polo cardeal Quiroga Palacios. Atópase situado no barrio de O Couto e considérase un templo votivo dedicado á Virxe de Fátima.
O órgano desta igrexa está situado na tribuna.
|
Instrumento |
Órgano de dous teclados de transmisión eléctrica
Amezua y Cia. San Sebastián |
|
Disposición |
Teclado I Violón 16′ Flautado 8′ Violón 8′ Octava 4′ Teclado II Flauta Armónica 8’ Viola de Gamba 8’ Voz Celeste 8’ Flauta Octaviante 4’ Lleno 2’ Trompeta 8’ Pedal Subbajo 16′ Contras 8′ |
|
Acoplamientos y otros |
I/P II/P Unión de teclados Octavas graves del II/I Octavas agudas del II/I Trémolo 1 combinación libre Transpositor 5 Botones: P.MF.F.TUTTI.A.CL |
O órgano está en bo estado e ten un uso continuado.
O vindeiro venres, 26 de abril, ás 20:00 h, na Igrexa de Fátima, terá lugar un concerto de órgano baixo o título “Olladas femininas“, organizado pola Asociación Cultural de Amigos do Órgano “Un rato no tubo” de Ourense. Colabora a Parroquia de Fátima. Entrada libre.
Tañerán o órgano de Fátima Irma Fernández, Mª José Mosquera, Marta Barreiro, Alejandra Escolante, Julia Ammerman, Nuria Peláez e Marisol Mendive, antigas alumnas graduadas en Órgano no Conservatorio de Ourense e a súa profesora, e que entre diversos traballos profesionais, exercen de organistas en Ourense, Pontevedra, Vigo, Coruña e León. Durante o concerto proxectaranse imaxes que reflicten a ollada de cada unha sobre as obras que interpretan.
Desde o día 11 ata o 20 de abril celebrarase en Santiago de Compostela unha nova edición do ciclo de actividades “De lugares e órgano“. Cos órganos da capital galega como protagonistas, o ciclo de actividades, ademais de concertos, inclúe proxeccións cinematográficas, exposicións, conversas e encontros con artistas e expertos e itinerarios guiados sobre o patrimonio.
Poden obter máis información aquí.
Os días 7, 8 e 9 de febreiro celebraranse en Valladolid as I Jornadas de Música Española para Órgano en el siglo XIX. O propósito das mesmas é mostrar as últimas investigacións musicolóxicas sobre a música do XIX en España para rachar co tópico de que a pouca música que se compuxo para órgano entre 1800 e 1900 carecía de orixinalidade e calidade.
Para máis información consultar a web das xornadas.